[ad_1]
تقافَـوا اكبـار الرجـال الصنـاديد
والركـب ماشي وأمُـر ربّي نطيعه
والموت يلفي فجـأه ابـلا مواعيد
ولافيـه دايم فوق سطح الوسيعه
ونحزن ونبكي(لاهذه وذا) لنا يفيد
لكـن هـذي في الخـلايق طبـيعه
وكل ماسلينا الحُزُن يعود ويـزيد
وليـت الحُـزُن ينبـاع حتـى نبيعه
بشـهرين ثـلاثـه رجـال البـواريد
من القبيله أقفوا يامال القطيعه
لحقَوا لربعٍ قبلهم من ذوي عيد
وآخـر قصر من القصور المنيعه
(عبـاد أبـو فـواز)المحزم الجِـيد
يوم الثلوث أقفت ركابـه سـريعه
(9)رمضان أمسى وبالعتـه البِيـد
وخبـر رحيلـه والله أكبـر فجيـعه
وعسى يشارك ربعـه بفرحة العيد
بوسط الجنـان الكل يهنـأ ربيعـه
ويالله تجمعنا بهم دون تحديد
وكل العباد المسلمين المطيعه
[ad_2]
Source link
